عثمان شاهه هڙي: عورتن جي وظيفي جي رقم شروع ٿيندي ئي ڪٽوتي عروج تي پهتل
عثمان شاهه هڙي ( رپورٽ: اي جي عاقلاڻي ) عثمان شاهه ھڙي جي مختلف سينٽرن تي گرمي ھئڻ سبب ڪيتريون ئي مستحق عورتون بيھوش، في عورت جي ڪارڊ تي 1500 کان 2000 رپين ڪٽوتي جاري آهي، بينظير انڪم سپورٽ پروگرام جي اي ڊي ٽنڊو الهيار ڪو به تحرڪ نه ورتو، بينظر انڪم سپورٽ پروگرام تحت مستحق عورتن جي وظيفي مان ڪٽوتي جو سلسلو عروج تي پهچي چڪو آهي، جڏهن ته ڪيترين ئي مستحق عورتن کي فنگر نه لڳڻ ۽ ٻيا بھانه بڻائي کين موٽائي ڇڏين ٿا، مستحق عورتن پاران لاڳاپيل اختيارين کان نوٽيس وٺڻ جو مطالبو ڪيو آهي