سنڌ ۾ تازين برساتن بعد هنگامي صورتحال تي اسڪولن جي موڪلن جا اختيار ڊي سيز حوالي

شاهپور جهانيان ( رپورٽ: اسد ٻگهيو ) سنڌ ۾ برساتن ۽ امڪاني هنگامي حالتن ۾ اسڪول بند ڪرڻ جو فيصلو ضلعي انتظاميا پاران ڪيو ويندو، تعليم کاتي سنڌ پاران اهڙو نوٽيفڪيشن جاري ڪيو ويو آهي، سنڌ جي تعليم کاتي پاران برساتن ۽ امڪاني ٻوڏ جي صورتحال کي نظر ۾ رکندي ضلعي انتظاميا کي خط لکيو آهي ته سمورا ڊپٽي ڪمشنر تعليم کاتي جي ضلعي آفيس سان صلاح مشوري کان بعد هنگامي بنيادن تي موڪلن جو فيصلو ڪري سگهن ٿا، سنڌ جي تعليم کاتي پاران تمام ڊپٽي ڪمشنرز کي حڪم جاري ڪيو ويو آهي ته اهي برساتن ۽ امڪاني هنگامي حالتن ۾ اسڪول بند ڪرڻ يا نه ڪرڻ جو فيصلو ڪري سگهن ٿا