وزيراعظم پاران گوادر ۾ پاڻي ۽ بجلي جا مسئلا حل ڪرڻ جي هدايت
( ويب ڊيسڪ ) وزيراعظم شهباز شريف گوادر ۾ پاڻي جي کوٽ بابت هڪ اجلاس جي صدارت ڪئي جڏهن ته بلوچستان جي وڏي وزير سرفراز بگٽي وڊيو لنڪ ذريعي اجلاس ۾ شرڪت ڪئي.
بلوچستان جي وڏي وزير سرفراز بگٽي گوادر جي پاڻي جي مسئلن بابت بريفنگ ۾ چيو ته بجلي جي عدم استحڪام ۽ ايران کان بجلي جي بندش جي ڪري ڊي سيلينيشن پلانٽ جي ڪم ۾ مشڪلاتون آهن. خضدار-گوادر نيشنل گرڊ لائن جي خراب منصوبابندي جي ڪري، وولٽيج مستحڪم ناهي رهي. گرڊ لائن جو جائزو ورتو وڃي ۽ ضروري سڌارا آندا وڃن.
وزيراعظم هدايت ڪئي ته وفاقي وزير پاور ڊويزن، پلاننگ ڪميشن ۽ لاڳاپيل سيڪريٽريز 15 آگسٽ تي گوادر پهچن. بلوچستان جي وڏي وزير سان صلاح مشوري بعد گوادر جي شهرين کي پاڻي جي بي ترتيب فراهمي يقيني بڻائي وڃي.
بلوچستان جي وڏي وزير چيو ته گوادر جي پاڻي جي مسئلن جي پائيدار حل لاءِ جامع منصوبابندي ڪئي پئي وڃي. خضدار-گوادر نيشنل گرڊ لائن جو جائزو ورتو وڃي ۽ ضروري سڌارا ڪيا وڃن.