آمريڪي وفد جي سنڌ جي وڏي وزير سان ملاقات، تعليم جي فروغ لاءِ تعاون جو يقين ڏياريو
( ويب ڊيسڪ ) سنڌ جي وڏي وزير تعليم، صحت، پاڻي، صفائي ۽ موسمياتي تحفظ تي تعاون وڌائڻ جي تجويز پيش ڪندي چيو ته يو ايس ايڊ سنڌ جي ترقي ۾ هڪ اهم ڀائيوار رهيو آهي، معياري تعليم کي فروغ ڏيڻ لاءِ جديد ٽيڪنالاجي جي ضرورت آهي، ۽ استادن جي تربيت ۽ ٽيڪنالاجي جي استعمال لاءِ پڻ آمريڪي تعاون جي ضرورت آهي.
آمريڪي وفد چيو ته آمريڪا سنڌ جي ترقي لاءِ مڪمل مدد فراهم ڪندو رهندو، ۽ آمريڪا سنڌ ۾ جديد ۽ معياري تعليم کي فروغ ڏيڻ لاءِ تعاون ڪندو.
سنڌ جي وڏي وزير اسڪولن ۽ صحت مرڪزن لاءِ 504 اضافي فلٽريشن يونٽ، اسپتالن کي جديد بڻائڻ ۽ ٽيلي ميڊيسن سسٽم جي تجويز ڏني.
مراد علي شاهه يو ايس ايڊ کان باقي 3.501 ملين ڊالر جي رقم جاري ڪرڻ جو مطالبو ڪيو ۽ هڪ مستقل ڪلائيميٽ پلاننگ اينڊ ڊولپمينٽ يونٽ جي قيام جي تجويز پيش ڪئي، چيو ته آمريڪي مدد سان ڪلائيميٽ فنانسنگ پروجيڪٽ سنڌ ۾ ڪلائيميٽ سيڪيورٽي کي فروغ ڏئي رهيو آهي.
هن چيو ته سنڌ بيسڪ ايجوڪيشن پروگرام تحت 106 اسڪول تعمير ڪيا ويا آهن، هزارين پاڪستاني شاگردن کي آمريڪي شرڪت سان معياري تعليم تائين رسائي حاصل ٿي آهي.