جسقم پاران تڪراري ڪئنالن خلاف سڀاڻي شٽڙبند ۽ ڦيٿا روڊ هڙتال جو اعلان
خيرپور ( رپورٽ: زبير سومرو ) جيئي سنڌ قومي محاذ طرفان سڀاڻي سنڌو درياهه مٿان ڪئنال اڏڻ واري منصوبي خلاف شٽربند ۽ ڦيٿا روڪ هڙتال جو سڏ ڏنو ويو آهي
ان ڏس ۾ جسقم جي مرڪزي سينئر وائيس چيئرمين امجد مهيسر ڪارڪنن سان گڏ شهر جي مختلف بازارن، چوڪن ۽ چوراهن تي دڪاندارن سان ملاقاتون ڪري شٽربند ۽ ڦيٿا روڪ هڙتال بابت پمفليٽ ورهايا
ان موقعي تي امجد مهيسر دڪاندارن کي تڪراري ڪئنالن واري منصوبي جي خاتمي لاءِ شٽربند ۽ ڦيٿا روڪ هڙتال ۾ ساٿ ڏيڻ جي اپيل ڪئي، هن جو چوڻ هو ته شٽربند ۽ ڦيٿا روڪ هڙتال سان گڏ احتجاجي ريلي پڻ ڪڍي ويندي
ھن چيو ته سنڌ جا ماڻهو ڪئنالن واري سنڌ دشمن منصوبي کي مڪمل طور رد ڪري چڪا آهن ۽ سنڌ ۾ هر طرف احتجاجن جو سلسلو جاري آهي تنهنڪري وفاق کي گهرجي ته فوري طور هن منصوبي جي خاتمي جو نوٽيفڪيشن جاري ڪيو وڃي