ڪي اين شاهه: ٻوڏ بچايو ڪميٽي جي سڏ تي بندن جي مضبوطي لاءِ سٽي پريس ڪلب آڏو احتجاج
خيرپور ناٿن شاهه ( رپورٽ: عرفان مشوري ) ٻوڏ بچايو ڪميٽي پاران بندن جي مضبوطي لاءِ ھٿن ۾ بينر ۽ پلي ڪارڊ کڻي ڪميونٽي سينٽر کان ريلي ڪڍي سٽي پريس ڪلب آڏو احتجاج ڪيو ويو، ڌرڻي جي اڳواڻي ايڊووڪيٽ سيد لال شاهه، فقير محمد شيخ، حافظ حاجن لغاري، سومر چانڊيو، فقير علي حسن جانوري ۽ ٻين ڳالاهيندي چيو ته 2022ع جي ٻوڏ ۾ شھر جي حفاظتي بند مڪمل تباهه ٿي چڪا آھن ٻن سالن کان وٺي هن وقت تائين بندن کي مضبوط ناهي ڪيو ويو، جنهن ڪري شھرين جو ساهه مٺ ۾ اچي ويو آھي، هنن وڌيڪ چيو ته 2022ع جي ٻوڏ جي ٿيل نقصان جا قرض به ناهن لٿا، مٿان حڪومت طرفان جاري ٿيل نوٽيس شھرين کي پريشان ڪري ڇڏيو آھي، اعليٰ اختياريون نوٽيس وٺن