ميرپورماٿيلو: 2 مھينا اڳ اغو ٿيل نوجوان کي پوليس بازياب ڪرائي ورتو
ميرپورماٿيلو ( رپورٽ: عمر ڪورائي ) نوجوان عبدالحڪيم سميجو پٽ بھادر سميجو کي 2 مھينا اڳ پنوعاقل کان گھر ايندي اغوا ڪيو ويو هو، جنھن کي پوليس بازياب ڪرائڻ جي دعويٰ ڪئي آھي، نوجوان جي بازياب ٿيڻ تي وارثن ۾ خوشي جي لھر ڇائنجي وئي، ايس ايڇ او سرحد صبغت الله جتوئي ڳجهي اطلاع تي بوھڙ ڳڙهه واري علائقي ۾ جديد ٽيڪنالاجي ذريعي پھچي نوجوان کي بازياب ڪرائڻ جي دعويٰ ڪئي، ايس ايڇ او سرحد بازياب ٿيل مغوي کي باحفاظت ٿاڻي تي آندو، جتان قانوني ڪاروائي بعد کيس وارثن حوالي ڪيو ويو