سجاول: شيخ برادري جي 8 گهرن کي باهه، الهه تلهه سڙي رک
سجاول ( رپورٽ: سليم ملاح ) وارڊ نمبر 5 ۾ شيخ برادرين جي گهرن کي اوچتو باهه لڳي وئي نتيجي ۾ عبدالواحد شيخ، محمد اسماعيل شيخ، گل محمد شيخ، عبدالعليم شيخ، عبدالعزيز شيخ، عبدالله شيخ، عبيدالله شيخ ۽ لالو شيخ جا 8 گهر مڪمل طور تي سڙي رک ٿي ويا، متاثرن جو چوڻ آهي ته اسان مزدوري لاءِ ويا هئاسين اوچتو باهه لڳڻ سبب اسان جا ڪکاوان گهر سڙي رک ٿي ويا آهن، گهرن ۾ پيل هند، بسترا، راشن، نياڻين جو ڏاج ۽ ٻيو سامان سڙي ويو آهي گهرن کي باهه لڳڻ بعد متاثر کليل آسمان هيٺ بي يارومددگار ويٺل آهن