عثمان شاهه هڙي ۾ سانوڻي جي برسات سبب آبادگارن کي لکين رپين جو نقصان
عثمان شاهه هڙي ( رپورٽ: اي جي عاقلاڻي ) عثمان شاهه هڙي ۽ جهنڊومري ۾ سانوڻي جي برسات سبب آبادگارن کي لکين رپين جو نقصان ٿيو آهي، اهڙو اظهار آبادگارن ميڊيا سان ڳالهائيندي ڪيو آهي، متاثر آباگار اسد قادر ٿيٻو، هاشم خاصخيلي، عمران مري ۽ ٻين چيو ته برساتي پاڻي جو نيڪال نه ٿيڻ ڪري تيار ٿيل فصل ووئنڻ، بصر، پپيتو ۽ ڪيلي جا فصل تباهه ٿي چڪا آهن، ٻڏل فصلن مان پنهنجي مدد پاڻ تحت مشينون لڳائي پاڻي ڪڍرائي رهيا آهيون سن سرڪار کان اپيل ڪريون ٿا ته نوٽيس وٺي برساتي پاڻي نيڪال ڪرائي وڌيڪ نقصان بچايو وڃي