ڀٽ شاهه ۾ تازو ڄاول ٻارڙي جو لاش هٿ
ڀٽ شاهه ( رپورٽ: جمن چوهاڻ ) ڀٽائي جي درگاهه ڀرسان معصوم ٻار کي زائرين لاوارث حالت ۾ ڏسي پوليس کي اطلاع ڪيو، اهڙي اطلاع تي اوقاف کاتي جي ملازمن ۽ پوليس پهچي تازي ڄاول ٻارڙي کي پنهنجي تحويل ۾ ورتو، شهر ۽ ڀرپاسي ۾ ڳولا باوجود ٻار جو ڪو به وارث هٿ نه آيو، جڏهن ته درگاهه ڀٽائي جي سي سي ٽي وي فوٽيجز ۾ ڏسي سگهجي ٿو ته هڪ عورت تازي ڄاول ٻارڙي کي کڻي درگاهه اندر داخل ٿي رهي آهي، جيڪا ڄاڻايل ٻار کي لاوارث ۾ ڦٽو ڪري فرار ٿي وڃي ٿي، پوليس پاران مذڪوره عورت جي تلاش شروع ڪئي وئي آهي، هوڏانهن تازي ڄاول ٻار جي لاش جو ڪو به وارث ناهي ملي سگهيو ۽ پوليس موجب تازي ڄاول ٻار جو لاش ايڌي سينٽر حوالي ڪيو ويندو