فيلڊ مارشل عاصم منير جي صدر مملڪت آصف علي زرداري سان ملاقات، سيڪيورٽي معاملن تي حال احوال
اسلام آباد (ويب ڊيسڪ) فيلڊ مارشل سيد عاصم منير صدر مملڪت آصف علي زرداري سان ملاقات ڪئي آهي، ملاقات ۾ ملڪ جي اندروني ۽ ٻاهرين سيڪيورٽي صورتحال تي تفصيلي ڳالهه ٻولهه ڪئي وئي.
فيلڊ مارشل صدر کي ملڪ جي مجموعي سيڪيورٽي پوزيشن، سرحدي صورتحال ۽ افغان طالبان جي تازي جارحيت تي پاڪستاني فوج جي جوابي ڪارروائي بابت آگاهه ڪيو.
صدر زرداري پاڪستاني فوج جي پيشه وراڻي صلاحيت، دفاعي تيارين ۽ ملڪ جي دفاع ۾ پاڪ فوج جي ڪردار جي تعريف ڪئي.
هن چيو ته پاڪستان پنهنجي قومي خودمختياري ۽ علائقائي سالميت جي حفاظت لاءِ هر قيمت تي قدم کڻندو. صدر سرحد پار حملن جي اثرائتي جواب لاءِ فوج جي بهادري، صلاحيت ۽ عزم جي تعريف ڪئي.
فيلڊ مارشل عاصم منير صدر کي ٻڌايو ته پاڪستاني فوج افغان سرحد کان تازين حملن جو فوري ۽ اثرائتو جواب ڏنو آهي، ۽ ملڪ جي سرحدن جي حفاظت لاءِ سڀئي وسيلا استعمال ڪيا پيا وڃن.