پهريون ٽيسٽ، ٻيون ڏينهن! قومي ٽيم 378 تي مجموعي اسڪور تي آل آئوٽ
(ويب ڊيسڪ) ڏکڻ آفريڪا خلاف پهرين ٽيسٽ جي ٻين ڏينهن تي قومي ٽيم 378 تي آل آئوٽ ٿي وئي آهي
لاهور جي قذافي اسٽيڊيم ۾ کيڏيل ميچ ۾ ٻين ڏينهن تي پاڪستان اننگز 5 وڪيٽن جي نقصان تي 313 رنسن کان شروع ڪئي هئي، جنهن ۾ محمد رضوان 62 ۽ سلمان علي آغا 52 رنسن تي هئا.
محمد رضوان 362 جي مجموعي اسڪور تي 75 رنسن تي آئوٽ ٿيو، جنهن کان پوءِ نعمان علي ۽ ساجد خان به هڪ ئي اوور ۾ پنهنجا کاتا کولڻ کانسواءِ پويلين واپس موٽي ويا.
سلمان علي آغا نروس نائنٽيز جو شڪار ٿيو ۽ 93 رنسون ٺاهي آئوٽ ٿيو جڏهن ته شاهين شاهه آفريدي 7 رنسون ٺاهي آئوٽ ٿيو.
ڏکڻ آفريڪا لاءِ، متوسامي 6 وڪيٽون ورتيون جڏهن ته پرينيلان سبرين ٻه وڪيٽون ورتيون. ڪگيسو ربادا ۽ سائمن هارمر هڪ هڪ وڪيٽ ورتي.