غزه ۾ اسرائيلي فوج جو ٽارگيٽڊ حملو، الجزيره جو رپورٽر 4 ساٿي سميت شهيد ٿي ويو
( ويب ڊيسڪ ) غزه تي اسرائيلي حملي ۾ الجزيره جو معروف صحافي انس الشريف پنهنجي چئن ساٿين سان گڏ شهيد ٿي ويو.
غزه ۾ الشفا اسپتال جي ڊائريڪٽر موجب الجزيره جو صحافي انس الشريف پنهنجي ساٿين سان گڏ اسرائيل جي حملي ۾ شهيد ٿي ويو آهي.
اسرائيلي فوج الشفا اسپتال جي مک گيٽ ٻاهران صحافين لاءِ قائم ڪيل خيمي کي نشانو بڻايو ويو، جنهن ۾ الجزيره جو صحافي انس الشريف، محمد قرقيه، ڪئميرامين ابراهيم ظهير، محمد نوفل ۽ مومن عليوا شهيد ٿي ويا.
اسرائيلي فوج تصديق ڪئي ته حملي ۾ الجزيره جي صحافي انس الشريف کي نشانو بڻايو ويو.