پيرجوڳوٺ: ڳوٺ وليو شيخ واسي پورهيت جو احتجاج
پيرجوڳوٺ ( رپورٽ: سيف علي کيڙو ) پورهيت خالد شيخ احتجاج ڪندي دانهيو ته منهنجي ڪيلن جي فصل ۽ کجين جي باغ کي باهه ڏئي ساڙي لکين رپين جو نقصان ڪيو ويو آهي.
جوابدار ديدار شيخ، احسان، منٺار، عديل، عمران شيخ ۽ ٻين کان واقعي جو فيصلو گهريو ته مڇرجي پيا آهن ۽ منهنجي گهر تي حملو ڪري فائرنگ ڪئي وئي،
ڄاڻايل جوابدارن خلاف پيرجوڳوٺ ٿاڻي تي اين سي داخل ڪرائڻ باوجود پوليس کين گرفتار نه ٿي ڪري، جنهن ڪري ڄاڻايل جوابدارن مان خطرو آهي، نوٽيس وٺي ملوث جوابدار گرفتار ڪري تحفظ ۽ انصاف مهيا ڪيو وڃي.