کپرو: باکريجي ۾ پلاٽ جي مالڪي تان گجو برادري جي ٻن ڌرين ۾ جهيڙو 3 ڄڻا زخمي
کپرو ( رپورٽ: سجاد شر ) کپرو ڀرسان باکريجي ۾ پلاٽ جي مالڪي تان گجو برادري جي ٻن ڌرين ۾ جهيڙو ٿي پيو، لٺيون ۽ ڪهاڙيون لڳڻ سبب هڪ عورت سميت 3 ڄڻا زخمي ٿي پيا، زخمين ۾ عبدالرزاق گجو، جيئڻ گجو ۽ عصمت شامل آهن جن کي علاج لاءِ تعلقه اسپتال منتقل ڪيو ويو زخمين صحافين سان کي ٻڌايو ته بااثر ڌر جي ماڻھن مير حسن گجو، اسماعيل ۽ سرور گجو اسان جي ذاتي پلاٽ تي قبضو ڪرڻ چاهين ٿا جن اڄ اسان جي گهر تي اچي حملو ڪري اسان کي زخمي ڪيو آھي ، هنن ايس ايس پي سانگهڙ کان انصاف جي گهر ڪئي