سجاول: برساتن بعد گندو پاڻي نيڪال نه ٿي سگهيو بيماريون ڦهلجڻ لڳيون
سجاول ( رپورٽ: سليم ملاح )تازين برساتن شھرن سميت پوري ضلعي سجاول ۾ وڏي تباھي مچائي پر ضلع انتظاميه شھرن مان برساتي نيڪال ڪرائڻ ۾ ناڪام بڻيل آهي،مختلف ڳوٺ اڃان سوڌو برسات جي پاڻي ۾ ٻڏل آھن، مسلسل گندو پاڻي بيھڻ ڪري مڇرن جو آزار پڻ وڌي ويو آهي، ماڻھو بخار، ڊائريا، گيسٽرو ۽ چمڙي جي مختلف بيمارين ۾ وڪوڙجڻ لڳا آهن ڳوٺاڻن وس وارن کان مطالبو ڪيو آهي ته برساتي پاڻي نيڪال ڪرائي بيمارين کان بچايو وڃي