سکر جي فيڪٽريءَ ۾ ڪم ڪندڙ 3 پورهيت عورتاڻي آواز تي هرکجي اغوا
( ويب ڊيسڪ ) سکر جي فيڪٽريءَ ۾ ڪم ڪندڙ 3 پورهيت عورتاڻي آواز تي هرکجي غوثپور جي ڪچي مان اغوا ٿي ويا، ڌاڙيلن ٽنهي پورهيتن کي اغوا ڪرڻ جي وڊيو به وائرل ڪري ڇڏي
وائرل ٿيل وڊيو ۾ ڌاڙيلن مغوي پورهيتن نادر جمالي، راشد ملڪ ۽ وحيد ملڪ جي وارثن کي 5 ڏينهن اندر ڀنگ ڏيڻ جي مهلت ڏئي ڇڏي
ايس ايس پي سکر امجد شيخ جو چوڻ آهي ته نادر جمالي جو سکر جي علائقي بچل شاهه مياڻي ، راشد ۽ وحيد ملڪ جو خيرپور سان تعلق آهي
ٽئي ڄڻا سکر جي سائيٽ ايريا ۾ گيهه مل ۾ مزدوري ڪندا هئا، کين عورتاڻي آواز تي هرکائي غوثپور گهرائي اغوا ڪيو ويو، ڪشمور ۽ سکر پوليس گڏجي مغوين جي بازيابي لاءِ ڪوشش ڪري رهي آهي